"სეილ შარქსმა" "უოსპსი" დაამარცხა და მეორე ადგილზე გადაინაცვლა

"სეილ შარქსმა" "უოსპსი" დაამარცხა და მეორე ადგილზე გადაინაცვლა

გალაგერ პრემიერშიპის მეოთხე ტურის მატჩში "სეილ შარქსი" "ეიჯეი ბელ სთედიუმზე" "უოსპსს" დაუხვდა და 28:18 დაამარცხა.

"ბზიკების" რიგებში ამჯერად ზურაბ ჟვანიას არ უთამაშია, რომელმაც წინა სამი მატჩი ძირითად შემადგენლობაში ჩაატარა და ამჯერად, დასვენების საშუალება მიეცა.

"ზვიგენებმა" ერთი გარდასახული ლელო და შვიდი ჯარიმა გაიტანეს: რობერტ დუ პრეს ანგარიშზეა 22 ქულა - ერთი ლელო, ერთი გარდასახვა და ხუთი ჯარიმა, ხოლო მატჩის მიწურულს ორი ჯარიმა ეიჯეი მაკგინთიმ შეასრულა ზუსტად. სტუმრებმა ორივე ტაიმში თითო ლელო დადეს, რომელთაც ერთი ლიმა სოპოაგამ გარდასახა და ერთი ჯარიმაც გაიტანა, ხოლო ლელოები სიონე ვაილანუს და ზაკ კიბირიჯის ანგარიშზეა. 

ტაიმი მასპინძელთა გამარჯვებით 13:10 დასრულდა. 70-ე წუთამდე ანგარიში 22:18 იყო, 74-ე წუთზე მაკგინთიმ ჯარიმა გაიტანა და "სეილ შარქსი" ერთი გარდასახული ლელოთი გავიდა წინ, თუმცა "უოსპსს" ბონუს ქულა მაინც ერგებოდა. 77-ე წუთზე "შარქსს" რუსი მარცხენა ბურჯი ვალერი მოროზოვი დავარდნილ მეტოქეს მხარი ჩაარტყა, რისთვის ყვითელი ბარათით დაისაჯა. 

"უოსპსმა" ეს უპირატესობა ვერ გამოიყენა, ჯერ შეტევაში დაჯარიმდა, შემდეგ კი ფრთამ პაოლო ოდოგვუმ საკუთარ ნახევარზე, ჰაერში თამაშისას მეტოქეს სახეში ფეხი ჩაარტყა, რისთვისაც წითელი ბარათით დაისაჯა, მაკგინთიმ კი ხელსაყრელი პოზიციიდან გაიტანა და "ბზიკებს" ბონუსი დააკარგვინა.

"შარქსმა" 11 ქულით დროებით მეორე ადგილზე გადაინაცვლა, ხოლო "უოსპსი" 5 ქულით მე-9 პოზიციაზე იმყოფება. 

კომენტარები

სვანიძე: "6 ერში ბილეთებიდან მილიონ ევროს და მეტს შოულობენ, ჩვენ საუკეთესო შემთხვევაში - 150000 ლარს"
გოჩა სვანიძემ რუსეთთან და სამხრეთ აფრიკასთან გადადებულ მატჩებზე ისაუბრა
ტოპ 14: ყველა ქართული სატრანსფერო სიახლე და სხვა ამბები, რომლებიც 2 ივნისისთვისაა ცნობილი
ინგლისური კლუბი ვასილ ლობჟანიძეს რის ვების ერთ-ერთ შემცვლელად მოიაზრებს
დავით ზირაქაშვილის მასტერკლასი ინგლისის ნაკრების და ლომების ბურჯს [VIDEO]
"სუპერ რაგბი აოთიროა" ინოვაციური წესებით გაიმართება
ემილიანო ბოფელი ტოპ 14-ში?
სერიული მკვლელი რაგბი ლიგის მატჩზე
123 ქვეყანა, რომლებიც დღეის მდგომარეობით "მსოფლიო რაგბის" წევრები არიან
12 ქართველი მორაგბე, რომლებსაც ჩემპიონთა თასზე ყველაზე მეტი მატჩი აქვთ ჩატარებული